Four fundamentals

Sa pagkakataong ito ay ibibigay ko naman ang apat na siyang pinakamahalagang sangkap sa mlm business mo na siyang may pinakamalaking impluwensiya o impact sa mlm business success mo. Ito ay ang SKAM o Skills, Knowledge, Attitude at Mentor.

Ooppss!, di po ito iligal, katunog lang..

Unahin muna natin ang Skills.

Kahit saan namang uri ng career, mapa artista, negosyo, trabaho, modeling etc ay nirerequire ang skills dahil kung mag-uumpisa ka ng pagiging cook sa restaurant at wala kang alam na mga skills ay magiging palpak ang trabaho mo.

Sa network marketing kaya marami ang nahihirapan at nagququit ay dahil wala silang natututunang skills o walang itinuturo sa kanilang proper skills lalo pat 60% ng mga sumasali ay baguhan pa lamang.  

Pinaka importante para kumita ang isang new member ay ang prospecting skills, inviting skills, selling skills, presentation skills at closing skills. Unfortunately, karamihan sa mga binibigay na mga new members palang ay puros NDO at motivation kaya ang karamihan ng mga new blood ay di alam ang gagawin, di alam kung paano at di kaya ang ginagawa ng mga magagaling na uplines.

Pangalawa ay ang Knowledge.

Karamihan sa mga pumapalpak na mga networker ay walang sapat na kaalaman sa pinasok na negosyo. Nag-aakalang ang network marketing ay isa lamang simple at madali ngunit alam mo naman na sa paaralan nga, pinag-aral tayo at pinuno ng mga kaalaman na 20% lamang dito ang siyang ating napakinabangan sa totoong buhay.

Kung ikaw ay sasali palang sa isang business venture ay pag-aralan mo muna ito ng mabuti at wag kang titigil at magdedesisyon hanggat di mo nauunawaan at naipapaintindi sayo. Oras na sumali ka na ay hindi natatapos sa mga Orientation at Training ang lahat, tip ko sayo ay magresearch sa internet at bumili ng mga libro ukol sa mlm business, manood sa youtube, laging magtanong at mangulit ng mangulit dahil tulad sa eskwelahan, ang pagkalap ng impormasyon ay di natatapos sa iisang libro lamang.

Pangatlo ay ang Attitude.

Marami sa mga networker ang hindi nagsassucceed dahil di nila alam na isa rin sa mga nakakasagabal ay ang sa loob nila o ugali nila. Ika nga ay kung nais mo magbago ang buhay mo sa labas ng sarili mo, kailangan mo munang baguhin ang loob mo o ugali't pagkatao mo.

Ilan sa mga cause ng failure at kapalpakan sa mlm business ay ang:

1.katamaran sa pagkatuto at pagsunod

2.walang commitment kaya napapabayaan ang negosyo

3.salbahe kaya ayaw lapitan at iniiwanan ng mga downline

4.mahina ang loob at mahiyain kaya walang mainvite o marecruit

5.bahala na attitude kaya walang tiyak na direksiyon ang negosyo

6.humihinto o nagququit agad, walang katatagan at pagtitiis

at iba pa.

Ika nga, kung nais mong magbago ang buhay mo, baguhin mo muna ang nasa loob mo o yung isip mo, ugali, kalooban, nakasanayan etc.

Pang-apat ay ang Mentor.

Maraming nagsasabi, kailangan pa ba ng mentor? 

Para sa mga eksperto, napakalaking tulong ang pagkakaroon ng mentor o coach na siyang totally mag gaguide sayo. Ang mentor kasi ang may marami nang pinagdaanan at experience o sa madaling salita ay eksperto na ito kaya agad nitong makikita ang bawat maling nagagawa mo at agad ay isasaayos niya ito oras na maipaalam mo sa kanya.

Higit na mahalaga ang isang mentor o coach sa mga baguhan pa lamang kung saan ay nangangapa pa lamang ito sa dilim.

Tulad ng isang basketball game, kung walang mentor ang isang grupo, walang magbibigay ng instruction sa kanila, walang magbibigay ng gameplan at walang gagabay sa bawat laro.

Sa network marketing, malaki ang potensiyal mong magtagumpay kung mayroon kang mentor o coach na siyang aalalay sayo at magbibigay liwanag sa tinatahak mong madilim na daanan papunta sa tagumpay.